why oh why? why me?

Nang makauwi ay nag-uunahang bumagsak ang mga luha na kanina ko pa pinipigilan. Parang sasabog ang dibdib ko kaya kailangang mailabas ko ang lahat ng mga hinanakit sa pamamagitan ng pag-iyak. Ganito ako eh, sobrang iyakin. Hindi kasi ako kasing tapang ng iba dyan...

Kahit konti di ko man lang inasahan na ganito ang mangyayari. Namantsahan ang iniingatan kong pangalan dahil sa walang kakwenta-kwentang bagay. Mabuti man lang sana kung sa pagkamantsa ng pangalan ko ay kumita ako pero sorry na lang sa akin dahil minalas ako. Ako pa ang napagtripan niyang gawan ng ganito...

Kung bakit kasi super tanga ako... masyado ang nagtiwala sa isang tao na akala ko ay pwede kong pagsabihan ng lahat ng bagay tungkol sa akin.. Nang isang taong itinuring ko ng kaibigan na akala ko ay hindi ako ipapahamak at iyon ang malaking pagkakamali ko na pinagsisisihan ko ngayon... Kung bakit ko ibinigay ang sandaang porsyentong tiwala sa isang taong hindi naman pala karapat-dapat pagtiwalaan. Ang tawag sa taong yan ay trahidor! Kamag-anak yata ni hudas.

Hindi ko talaga lubos maisip kung bakit ako pa ang nabiktima nya samanatalang wala akong matandaang naagrabyado ko sya at natapakan man lang ang ego nya o nagawang masama sa sinumang taong nakakasalamuha ko. Lahat ng pabor para sa kanya ay ibinigay ko tapos ito pa ang isusukli nya sa akin? Wow ha, ito yata ang reward ko... magkasamang luha at sipon. waaah!!!!!

Sabi ko sa kanya noon, "white lies ay pwede basta sa ikabubuti ng nakararami." May mga usapin kasing di dapat pang malaman ng ibang tao para na rin sa kapakanan ng lahat. Pero, siguro talagang ganun ang ugali nya.. Natutuwa syang may mga nasasaktan syang tao kaya nya ito ginagawa.

Shit! Ang tigas kasi ng ulo ko.. Ang tanda-tanda na pero hanggang ngayon boba pa rin. Di pa rin natututo kaya panay pa rin ang paagrabyado sa mga taong kupal na nakapaligid sa akin. Ang dapat siguro sa akin ay iumpog sa pader.

Tama nga ang sinabi ng isang kaibigan ko dati.. "Huwag kang magtiwala sa isang tao kahit matagal mo na syang kakilala lalo't may pagdududa ka sa pagkatao nya. Tandaan mo, ang unang pagkatiwalaan mo lang ay ang sarili mo dahil ikaw lang ang nakakaalam ng tunay na itinatakbo ng utak mo, pangalawa ay ang pamilya mo dahil sila lamang ang tutulong sayo pag nasa oras ka na ngkagipitan..."

Mahirap magtanim ng galit sa mahabang panahon pero siguro matatagalan bago maghilom ang sugat na nilikha nya sa dibdib ko. Basta ang mahalaga may aral sa buhay na akong natutunan ngayon...

ang tula-tulaan ko!

Nakita kita sa isang sulok, tahimik at animo'y nagmumukmok
Nang kaibigan ko ika'y ipakilala, nalaman kong tahimik ka lang pala talaga
Pinakawalan mo ang iyong magandang ngiti , kaya't pag-aalangan ko ay napawi
Kinuha mo ang numero ng cellphone ko, tanong mo kung pwede textmate tayo

Di nagtagal, puspusan ang iyong panliligaw, nainis nga ako sayo dahil para kang langaw
Daig mo pa ang isang batang paslit, araw-araw ako’y iyong kinukulit
Sabi mo kakaiba ang ganda ko, simpleng ngiti ko’y sadyang pang-akit sa’yo
Mala-kape kong kulay ay namumukod tangi, kaya naman ako’y iyong puring-puri

Sa tabing ilog doon tayo madalas magkwentuhan, mga pangarap natin ay binuo sa may batuhan
Saksi ang mga isda at ang sinag ng buwan sa mga pangakong iyong binitawan
Cellphone ko’y punong-puno ng ng mga mensahe mong puro kabaduyan
“Cross my heart, swear to die” yan ang sumpa mong di ako iiwan...

Di ko alam kung bakit madali mong napaniwala, pagkat wala pang tatlong buwan ika’y biglang nawala
Sa sampung text messages ko, isa lang ang sinagot mo, at ang sabi mo sa malayo ika’y nagtatrabaho
Sabi mo pa huwag akong mag-alala dahil kapag may libreng oras ay tatawag ka
Subalit di sinasadyang sa sentro’y nagkita tayo, hinayupak ka, andyan ka lang pala at ako’y ginago mo!

Naningkit at nagtanong ang mga mata nang ika’y makita, pagkat buntis na babae ang iyong kasama…
Pilit ang mga ngiting binati pa rin kita, kahit kaplastikan ang aking pinakita
Ayos na sana, kaya lang babae sayo’y umabresyete at nagtanong pa… “honey sino ba sya?”
Ilong ko’y biglang umusok, kung may dala lang sanang kutsilyo sayo’y itinusok…

Pag-uwi sa bahay natulala sa isang tabi, di makapaniwala sa mga nangyari
Di makatulog, mugto ang mata at pangalan mo’y isinumpa pa, na sa babaeng pinili’y di magiging masaya
Ilang buwan uli ang lumipas, nakaraan natin ay kumupas nang makita kita sa may tambayan
Nalaman ko sa isang kaibigan, iniwan ka ng pamilya pagkat ikaw pala ay pasaway at batugan!

Buti na lang pala’y napaaga, mapagbalat-kayong ugali mo ay nakilala
Kung hindi ay nagmukha sana akong tanga, pinagtatawanan pagkat sayo’y nagpakagaga
Salamat sa Diyos dahil may tao na nagmamahal sa akin ngayon at nagseseryoso
Isang taong ang sabi’y ganito: “honey I’m sure I am madly in-love with you!”

Kabaduyan lang po yan… isang kathang isip ng malikot na emahinasyon ng paruparo…

WazzUp MeHn?!

Ang tagal ng sasakyan, kaya inip na inip ako kanina sa paghintay. Medyo na late tuloy ako ng pasok. Buti na lang wala pa si singkit, kundi lagot na naman si ako. Hirap talagang magcommute noh? Puno na yung nasakyan kong dyip kaya sa may driver's seat na ako pinaupo...

Tatlo kami doon sa unahan. May isa pang lalaki na kaibigan yata nung driver. Panay ang kwentuhan ng dalawang lalaki tungkol sa pagtaas ng presyo ng gasolina. Konti na lang daw kinikita nila sa pamamasada. Sapat lang sa kanilang pagkain. Maya-maya naiba yung usapan. Sabi nung isang lalaki, kahit di daw sya kagandahang lalaki, kahit kelan never syang mag-aasawa o maiinlove sa babaing dating may asawa na. Yung babaing naanakan o kaya nabalo na. E, bakit kanyo? Di daw nya carry ang ganun, yun bang may nauna na sa kanya. Parang nakikini-kinita na nya na pinagsawaan na ng iba ang babaeng makakatabi at makakayakap nya sa higaan. Yucking daw... Sabay tawa ng malutong. Then, sumang-ayon naman yung driver. Parang nababadtrip ako at natatawa dun sa usapan nila.. Binabastos nila ang mga babae... Sana lang nagsasalita sila ng ganun kung walang babaing nakakarinig. Mahirap magsalita ng patapos ha. Di natin hawak ang kapalaran at kung ano ang mangyayari sa buhay natin Siya lang ang nakakaalam.

May kakilala kasi ako ganyan din ang pananaw dati pero nabalewala lahat ng mainlab sya sa taong ni sa hinagap ay di nya in-expect na iyon ang makakatuluyan nya.

Sabi pa nung driver, mahirap na din daw mag-asawa ng kung sino lang kasi baka daw sila maging kawawa balang araw. Mga babae na kasi ang matatapang ngayon, mga myembro na ng Gabriela. Sila na raw ang nambubugbog ng asawa... Konting kanti lang nila sa mga babae magrereklamo agad. Masyado na raw silang agrabyado pagdating sa mga karapatan. Kung bakit daw ang batas ay masyadong pabor sa mga kababaihan.

Nakakahiya daw magsumbong sa mga awtoridad kapag sila ang naaapi. At siguradong pagtatawanan nga naman kung sakaling magreklamo sila ng rape o physical injury laban sa mga kababaihan.

Nyeheheh! natawa ako dun. Buti nga sa inyo mga pasaway kasi kayo dati...

Para sa akin ang tama nyan, kilalanin nyo munang mabuti ang mapapangasawa nyo para di kayo magsisi balang araw. Kung mahal nyo ang isang tao, tatanggapin nyo kung ano ang pagkatao nya.

Sabagay ang lahat ng iyan ay mga pananaw at paniniwala nyong mga lalaki. Labas na ako dyan...

Binabahagi ko lang ang opinyon ko..